చైతన్య రావు, భూమి శెట్టి జంటగా నటించిన చిత్రం “షరతులు వర్తిస్తాయి”. కుమారస్వామి(అక్షర) దర్శకత్వం వహించిన ఈ చిత్రాన్ని స్టార్ లైట్ స్టూడియోస్ బ్యానర్పై నాగార్జున సామల, శ్రీష్ కుమార్ గుండా, డాక్టర్ కృష్ణకాంత్ చిత్తజల్లు నిర్మించారు. “షరతులు వర్తిస్తాయి” సినిమా ఈ నెల 15వ తేదీన థియేట్రికల్ రిలీజ్ కు రెడీ అవుతోంది. ఇవాళ అంతర్జాతీయ మహిళా దినోత్సవం సందర్భంగా ఈ సినిమా నుంచి ‘ఆకాశం అందనీ..’ లిరికల్ సాంగ్ ను మంత్రి సీతక్క చేతుల మీదుగా రిలీజ్ చేశారు.
ఈ సందర్భంగా మంత్రి సీతక్క మాట్లాడుతూ – తరతరాలుగా మహిళ ఈ సమాజంలో అణిచివేతకు గురవుతోంది. వారికంటూ ఉన్న ప్రత్యేకమైన రోజు ఈ ప్రపంచ మహిళా దినోత్సవం. మహిళలు పోరాడి సాధించుకున్న ఈ రోజున మహిళా గీత రచయిత చైతన్య పింగళి రాసిన ‘ఆకాశం అందనీ..’ లిరికల్ సాంగ్ ను నా చేతుల మీదుగా రిలీజ్ చేసే అవకాశం రావడం సంతోషంగా ఉంది. మధ్య తరగతి మనుషుల జీవితాలను ప్రతిబింబించే సినిమా “షరతులు వర్తిసాయి”. మన గ్రామాల్లో నివసించే మధ్య తరగతి మనుషుల జీవితాల్లోని కథలు, వెతలు, భావోద్వేగాలన్నీ ఈ సినిమాలో చూస్తారు. ఈ సినిమా హీరో చైతన్య, ఇతర నటీనటులకు, దర్శకుడు కుమారస్వామి, మామిడి హరికృష్ణ, లిరిసిస్ట్ చైతన్య పింగళి…అందరికీ నా శుభాకాంక్షలు. “షరతులు వర్తిసాయి” సినిమా మంచి విజయం సాధించాలని కోరుకుంటున్నా. అని చెప్పారు.
మామిడి హరికృష్ణ మాట్లాడుతూ – మా “షరతులు వర్తిసాయి” సినిమాలోని ‘ఆకాశం అందనీ..’ లిరికల్ సాంగ్ ను రిలీజ్ చేసిన మంత్రి సీతక్క గారికి కృతజ్ఞతలు. సినిమాలో ఈ పాట ప్రత్యేక ఆకర్షణ అవుతుంది. “షరతులు వర్తిసాయి” కరీంనగర్ నేపథ్యంగా సాగే సినిమా అయినా ఇందులోని ఎమోషన్స్ యూనివర్సల్ గా ప్రేక్షకులు అందరికీ నచ్చుతాయి. కుమారస్వామి కొత్త దర్శకుడైనా సినిమాను ఆకట్టుకునేలా తెరకెక్కించారు. ఈ నెల 15న రిలీజ్ అవుతున్న మా సినిమాను ఆదరించాలని కోరుకుంటున్నా. అన్నారు.
దర్శకుడు కుమారస్వామి మాట్లాడుతూ – మంత్రి సీతక్క గారు ఎంతో బిజీగా ఉన్నా మా “షరతులు వర్తిసాయి” సినిమాలోని ‘ఆకాశం అందనీ..’ లిరికల్ సాంగ్ ను రిలీజ్ చేయడానికి ఒప్పుకున్నారు. ఆమెకు మా టీమ్ తరుపున కృతజ్ఞతలు చెబుతున్నాం. ఈ పాట మీ అందరికీ బాగా నచ్చుతుంది. ఈ నెల 15న థియేటర్స్ లోకి “షరతులు వర్తిసాయి” సినిమా రిలీజ్ కు వస్తోంది. మీరంతా చూసి రెస్పాన్స్ తెలియజేస్తారని ఆశిస్తున్నా. అన్నారు
హీరో చైతన్య రావ్ మాట్లాడుతూ – మంత్రి సీతక్క గారు మా సినిమా టీమ్ ను బ్లెస్ చేయడం హ్యాపీగా ఉంది. మా “షరతులు వర్తిసాయి” సినిమాలోని ‘ఆకాశం అందనీ..’ లిరికల్ సాంగ్ ను రిలీజ్ చేసినందుకు ఆమెకు కృతజ్ఞతలు చెబుతున్నాం. మరికొద్ది రోజుల్లోనే మా సినిమా మీ ముందుకు రాబోతోంది. “షరతులు వర్తిసాయి” సినిమా అన్ని కమర్షియల్ అంశాలు ఉంటూనే రియలిస్టిక్ మేకింగ్ తో ఆకట్టుకుంటుంది. అన్నారు.
‘ఆకాశం అందనీ..’ పాటకు చైతన్య పింగళి లిరిక్స్ అందించగా..నరేష్ అయ్యర్, నయన నాయర్ పాడారు. మ్యూజిక్ డైరెక్టర్ అరుణ్ చిలువేరు కంపోజ్ చేశారు. ‘ఆకాశం అందనీ, నేలైనా పొందనీ, ఆటేదో ఆడితే ఇంతేనుగా మరి శూన్యాలే ఈసడి, బంధాలే ఓ ముడి, మందల్లే మారునా, ఆపేయునా కన్నీళ్లనీ..’ అంటూ ఎమోషనల్ గా సాగుతుందీ పాట.
నటీనటులు – చైతన్య రావ్, భూమి శెట్టి, నంద కిషోర్, సంతోష్ యాదవ్, దేవరాజ్ పాలమూరు, పద్మావతి, వెంకీ మంకీ, శివ కల్యాణ్, మల్లేష్ బలాస్త్, సీతా మహాలక్ష్మి, పెద్దింటి అశోక్ కుమార్, సుజాత తదితరులు
టెక్నికల్ టీమ్
ఆర్ట్ డైరెక్టర్ – గాంధీ నడికుడికర్
ఎడిటింగ్ – సీహెచ్ వంశీ కృష్ణ, గజ్జల రక్షిత్ కుమార్
సినిమాటోగ్రఫీ – ప్రవీణ్ వనమాలి, శేఖర్ పోచంపల్లి
బ్యాక్ గ్రౌండ్ మ్యూజిక్ – ప్రిన్స్ హెన్రీ
మ్యూజిక్ – అరుణ్ చిలువేరు, సరేష్ బొబ్బిలి (పన్నెండు గుంజల)
డైలాగ్స్ – పెద్దింటి అశోక్ కుమార్
ఎగ్జిక్యూటివ్ ప్రొడ్యూసర్స్ – రాజేశ్ స్వర్ణ, సంపత్ భీమారి, అశ్వత్థామ
పీఆర్ ఓ – జీఎస్ కే మీడియా
బ్యానర్ – స్టార్ లైట్ స్టూడియోస్ ప్రైవేట్ లిమిటెడ్
ప్రొడ్యూసర్స్ – శ్రీలత, నాగార్జున సామల, శారద, శ్రీష్ కుమార్ గుండా, విజయ, డా.కృష్ణకాంత్ చిత్తజల్లు
రచన దర్శకత్వం – కుమారస్వామి (అక్షర)