స్వతంత్రటీవీ, వెబ్ డెస్క్: గుజరాత్ టైటాన్స్ మరోసారి అదరగొట్టింది. వరుస విజయాలతో దూకుడు మీదున్న హార్దిక్ సేన లక్నోతో జరిగిన మ్యాచులో 56పరుగుల తేడాతో ఘన విజయం సాధించింది. తొలుత బ్యాటింగ్ చేసిన గుజరాత్ టైటాన్స్ జట్టులో ఓపెనర్స్ సాహా, గిల్ చెలరేగి ఆడడడంతో నిర్ణీత 20 ఓవర్లలో 227/2 భారీ స్కోరు చేసింది. గిల్ (94), సాహా (81) పరుగులతో రాణించారు. లక్నో బౌలర్‌లో మొహ్సిన్ ఖాన్, అవేశ్ ఖాన్ చెరో వికెట్ తీశారు.
228పరుగుల భారీ లక్ష్యాన్ని ఛేదించే క్రమంలో లక్నో 171/7 పరుగులకే పరిమితమైంది. లక్నో బ్యాటర్స్‌లో డికాక్ (70), మేయర్స్(48) రన్స్‌తో మాత్రమే రాణించారు. గుజరాత్ బౌలర్‌లో మోహిత్ శర్మ 4 వికెట్లు తీయగా షమీ, నూర్ అహ్మద్, రషీద్ ఖాన్ తలో వికెట్ తీశారు. ఈ విజయంతో గుజరాత్ జట్టు పాయింట్ల పట్టికలో తన అగ్రస్థానాన్ని మరింత పదిలం చేసుకుంది.