స్వతంత్ర వెబ్ డెస్క్: కప్పింగ్ థెరపీ ప్రాసెస్ పురాతన కాలం నుంచి ఉంది. కానీ ఈ మధ్య కాలంలో బాగా పాపులర్ అయ్యింది. శరీరంలోని కొవ్వు తగ్గించుకుని, స్లిమ్గా మారేందుకు ఈ పద్ధతి సహాయపడుతుంది. శరీరంలో ఏర్పడ్డ కొవ్వు కాల క్రమేనా చర్మం కింద గడ్డల రూపంలో పేరుకుంటుంది. ఈ కొవ్వును కరిగించడానికి కప్పింగ్ థెరపీ తోడ్పడుతుంది. అంతేకాదు బాడీ టోనింగ్కు కూడా కప్పింగ్ థెరపీ హెల్ప్ అవుతుంది.
స్లిమ్మింగ్ మసాజ్ ప్రోగ్రామ్..
థెరపిస్టులు ఒక్కో సెషన్లో ఒక్కో చోట కప్లు సెట్ చేస్తుంటారు. ట్రీట్మెంట్ పూర్తేయ్చేలోపు ఓ పద్ధతి ప్రకారం ప్రక్రియ జరుగుతుంది. దీని వల్ల మీ శరీర ఆకృతి మారుతుంది. చర్మం బిగుతుగా తయారు అవుతుంది. రక్త ప్రసరణను బాగు చేస్తుంది. మీ ఎనర్జీ స్థాయిని కూడా పెంచుతుంది. అందుకే పొట్ట, నడుము, తొడల వద్ద కొవ్వు పేరుకుపోయిన వారు ఈ థెరపీ ఎక్కువగా చేయించుకుంటూ ఉంటారు.
ఏమి చేస్తారు..
కప్పింగ్ థెరపీలో వేడి చేసిన కప్పులను శరీరంపై ఉంచి, ట్రీట్మెంట్ చేస్తారు. దీంతో చర్మాన్ని అవి శోషించి.. నరాలకు ఉత్తేజపరుస్తాయి. దీని ద్వారా బరువు తగ్గడంతోపాటు శరీరానికి టోనింగ్ కూడా అవుతుంది. ఈ ప్రత్యేక అక్యూ పాయింట్లు శరీరంలో కొవ్వు, సమస్య ఉన్న ప్రాంతాల్లో ఉంచి చికిత్స చేస్తారు. దీని వల్ల అంతర్గత అవయవాల చుట్టూ ఉన్న కొవ్వును కరిగించేందుకు కావాల్సిన శక్తిని మీ ప్రసరణ వ్యవస్థకు అందుతుంది. అంతేకాదు దీని వల్ల శరీరంలోని టాక్సిన్స్, అదనపు నీరు తొలగిపోతుంది.
రిజల్ట్ వెంటనే కనిపిస్తుంది..?
మీకు మొదటి సెషన్ అయిన వెంటనే రిజల్ట్ కనిపిస్తుంది. రక్తం చక్కగా సరఫరా కావడమే దీనికి కారణం. కొంత మందికి చికిత్స జరిగిన మరుసటి రోజు కాస్త అసౌకర్యంగా ఉంటుంది. 5 నుంచి ఆరు సెషన్ల తర్వాత మీ చర్మం ఇంకా చక్కగా కనిపించడం మొదలు అవుతుంది. 7 నుంచి 10 సెషన్లు తీసుకున్న తర్వాత మీ చర్మంపై అదనపు కొవ్వు తగ్గినట్లు కనిపిస్తుంది. ఎన్ని సార్లు మీరు సెషన్స్లో పాల్గొనాలి అనేది మీ శరీరం తీరు, జీవన శైలిని బట్టి ఉంటుంది. కొందరికి కొన్ని సెషన్లు సరిపోతాయి. మరికొందరికి మాత్రం ఎక్కువ కావాల్సి వస్తుంది.
అలవాట్లు మారాలి..
బరువు తగ్గేందుకు ఈ కప్పింగ్ థెరపీలో అనేక ఆప్షన్లు ఉన్నాయి. ఈ చికిత్స చేసుకున్న తర్వాత ఆరోగ్య అలవాట్లు, జీవన శైలి మార్చుకోవాల్సి వస్తుంది. దీని వల్ల ఇంకా మంచి రిజల్ట్స్ ఉంటాయి. మీరు అనుకున్న స్లిమ్ బాడీని పొందగలరు.
దీని హిస్టరీ ఏమిటి..?
కప్పింగ్ ప్రాసెస్ను దాదాపు 1000 ఏళ్ల క్రితం నుంచి పాటిస్తున్నారట. అప్పట్లో ఈజిప్ట్, చైనా తదితర దేశాల్లో ప్రజలు ఈ ట్రీట్మెంట్ను తీసుకునేవారని చెబుతున్నారు. ఈ ప్రక్రియ కూడా సులభం కావడంతో ఎక్కువగా పాటించేవారట. ఇప్పుడు కప్పులను వాడుతున్నారు కానీ.. అప్పట్లో సహజంగా డ్రింక్ తీసుకునే కప్పులు, జంతువుల కొమ్ములతోపాటు సింపుల్ ఆకారంలో ఉండే వాటిని వాడేవారు. కప్పులు పెట్టి, వ్యాక్యూమ్ క్రియేట్ చేయడం ఇందులో కీలకం. దీని వల్ల రక్త సరఫరా మెరుగుపడుతుంది.
సురక్షితమేనా..?
కప్పింగ్ థెరపీ సురక్షితమని నిపుణులు చెబుతున్నారు. ఇది నేచురల్ ప్రక్రియ అని అంటున్నారు. దీని వల్ల శరీర బరువు తగ్గడంతోపాటు, మంచి రంగు వస్తారని చెబుతున్నారు. ఈ చికిత్స తీసుకున్న తర్వాత కొంత అసౌకర్యంగా ఉంటుందట. ఆపై మార్పు మీరే చూస్తారని నిపుణులు అంటున్నారు. ఈ థెరపీలో ఎటువంటి డ్రగ్ను ఉపయోగించరు. కాబట్టి ఇబ్బంది ఉండదు.