స్వతంత్ర, వెబ్ డెస్క్: యంగ్ రెబల్ స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కుతున్న భారీ చిత్రం ప్రాజెక్ట్ కె. వైజయంతి మూవీస్ బ్యానర్ మీద సీనియర్ నిర్మాత అశ్వనీదత్ భారీ బడ్జెట్తో నిర్మిస్తున్న ఈ చిత్రంపై అభిమానుల్లో భారీ అంచానాల నెలకొన్నాయి. ఈ నేపథ్యంలో హీరో దగ్గుబాటి రానా ‘ప్రాజెక్ట్-కె’ చిత్రంపై ప్రశంసలు కురిపించాడు. తెలుగు ప్రేక్షకులతో పాటు దేశమంతా ఈ సినిమా కోసం ఎంతో ఆసక్తిగా ఎదురుచూస్తున్నారని.. కచ్చితంగా బ్లాక్బస్టర్ హిట్ అవుతుందని తెలిపారు. ‘ప్రాజెక్ట్-కె’ చిత్రం ‘బాహుబలి’, ‘ఆర్ఆర్ఆర్’ రికార్డులను బ్రేక్ చేయడంతో పాటు ప్రపంచవ్యాప్తంగా గుర్తింపు తెచ్చుకుంటుందన్నారు.
ఇక తెలుగు ఇండస్ట్రీలో ఒక హీరో చిత్రానికి మరొక హీరో మద్దతు ఇస్తూ సెలబ్రేట్ చేసుకుంటుంటారని ఇది చాలా గొప్ప విషయమని చెప్పారు. ప్రపంచ దేశాలన్నీ భారతీయ సంస్కృతిని ఎంతో గౌరవిస్తున్నాయని పేర్కొన్నారు. కాగా ‘ప్రాజెక్ట్-కె’ సినిమాలో బిగ్ బి అమితాబ్ బచ్చన్, దీపికా పదుకొణె తదితరుల భారీ తారాగాణం నటిస్తున్నారు. వచ్చే ఏడాది సంక్రాంతి కానుకగా ఈ సినిమా భారీ స్థాయిలో విడుదల కానుంది.