పొలిటికల్ థ్రిల్లర్ డ్రామాగా వచ్చిన ‘ప్రతినిధి’ సినిమాతో నారా రోహిత్ ఎంతమంచి హిట్ అందుకున్నాడో అందరికీ తెలిసిందే. అయితే కొద్ది రోజుల నుంచి హిట్ కోసం ఎదురు చూస్తున్న రోహిత్ తాజాగా తన తదుపరి సినిమాను ప్రకటించారు. తన 19వ సినిమాగా ‘ప్రతినిధి-2’ను చేయబోతున్నట్లు అనౌన్స్ చేశారు. టైటిల్‌తో పాటు ఫస్ట్ లుక్ పోస్టర్‌ను కూడా విడుదల చేశారు. మూర్తి దేవగుప్తపు దర్శకత్వంలో రాబోతున్న ఈ చిత్రాన్ని వచ్చే ఏడాది రిపబ్లిక్ డే కానుకగా జనవరి 25న విడుదల చేయబోతున్నట్లు ప్రకటించారు.
‘ప్రతినిధి-2’ చిత్రం ఫస్ట్ లుక్ ఎంతగానో ఆకట్టుకుంటోంది. న్యూస్ పేపర్‌తో డిజైనర్ చేసిన నారా రోహిత్ లుక్ సినిమాపై ఆసక్తిని పెంచేలా ఉంది. సామాజిక అంశం ఇతివృత్తంగా ఈ సినిమా రాబోతున్నట్లు తెలుస్తోంది. కుమార్ రాజా, ఆంజనేయులు శ్రీ తోట, కొండకల్ల రాజేందర్‌రెడ్డి ఈ చిత్రానికి నిర్మాతలుగా వ్యవహరిస్తున్నారు. మహతి స్వరసాగర్ ఈ చిత్రానికి సంగీతం అందిస్తున్నారు.