స్వతంత్ర వెబ్ డెస్క్: నవ సందీప్ కమెడియన్ గా, సింగర్ గా జబర్దస్త్ షోలో పాల్గొంటున్నాడు. అలాగే అన్ స్టాపబుల్ విత్ ఎన్ బీకే, శ్రీదేవి డ్రామా కంపెనీ లాంటి షోలలో తన జానపద పాటలతో ప్రేక్షకులని అలరించాడు. ఎంతో ట్యాలెంట్ ఉన్న నవ సందీప్ బుద్దిగా కనిపిస్తూ ఇలా యువతిని మోసం చేయడంతో విమర్శలు వెల్లువెత్తుతున్నాయి. యూట్యూబ్ లో ఎమోషనల్ ప్రేమ గీతాలతో కూడా నవ సందీప్ పాపులర్ అయ్యాడు.
ఇటీవల నవ సందీప్ పై మధురానగర్ పోలీస్ స్టేషన్ లో ఓ యువతి కేసు నమోదు చేసిన సంగతి తెలిసిందే. తనని ప్రేమించి పెళ్లి చేసుకుంటానని నమ్మించి నవ సందీప్ మోసం చేశాడని ఓ యువతి పోలీసులకు ఫిర్యాదు చేసింది. దీనితో నవసందీప్ పై పోలీసులు వివిధ సెక్షన్స్ కింద కేసు నమోదు చేశారు.
తాజాగా నవ సందీప్ ని నేడు పోలీసులు మధురానగర్ లో అరెస్ట్ చేశారు. ప్రేమ పేరుతో యువతిని మోసం చేశాడని నవ సందీప్ పై ఆరోపణలు వచ్చాయి. పెళ్లి పేరుతో నమ్మించడంతో మోసపోయినట్లు చెబుతోంది. అతడి మాటలు నమ్మానని, కానీ ఇప్పుడు మోసం చేశాక ముఖం చాటేస్తున్నాడు అని యువతి ఫిర్యాదులో పేర్కొంది. పెళ్లి చేసుకోమని అడుగుతుంటే తప్పించుకుంటున్నట్లు ఆమె తెలిపింది.