స్వతంత్ర వెబ్ డెస్క్: హైదరాబాద్‌ బాచుపల్లి విషాదం చోటు చేసుకుంది. రోడ్డుపై ఉన్న ఓ గుంత చిన్నారి ప్రాణాన్ని బలితీసుకుంది. పోలీసులు తెలిపిన వివరాల ప్రకారం.. బాచుపల్లికి చెందిన కిషోర్ కూతురు దీక్షిత (8) స్థానికంగా ఉన్న ఓ ప్రైవేటు స్కూల్‌లో రెండో తరగతి చదువుతోంది. రోజు మాదిరిగానే కిషోర్ తన కూతుర్ని స్కూటీపై స్కూల్‌లో దిగబట్టేందుకు బయల్దేరాడు. రెడ్డి ల్యాబ్స్ వద్ద ఇటీవల కురిసిన వర్షాలకు ఓ పెద్ద గుంత ఏర్పడింది. అది గమనించిన కిషోర్ అలాగే వెళ్లటంతో బైక్ గుంతలో పడిపోయింది. దీంతో బండి వెనుక కూర్చున్న దీక్షిత ఎగిరి రోడ్డుపై పడింది.
ఆ వెనకాలో ఓ ప్రైవేటు స్కూల్ బస్సు వచ్చింది. పాప రోడ్డుపై సడెన్‌గా పడిపోవటంతో స్కూల్ బస్సు డ్రైవర్ అలాగే ముందుకు పోనిచ్చాడు. ఈ ఘటనలో దీక్షిత అక్కడిక్కకడే మృతి చెందింది. దీంతో చిన్నారి తల్లిందండ్రులు కన్నీరు మున్నీరుగా విలపించారు. రోడ్డుపై పడిపోయిన చిన్నారి మృతదేహాన్ని హత్తుకొని తండ్రి రోధించిన తీరు అక్కడున్న వారిచే కంటతడి పెట్టించింది. ఈ ఘటనపై కేసు నమోదు చేసుకున్న పోలీసులు విచారణ చేపట్టారు.