స్వతంత్ర, వెబ్ డెస్క్: రోజురోజుకు ఆకస్మాత్తుగా గుండె ఆగిపోతున్న ఘటనలు ఎక్కువ అయిపోతున్నాయి. వయసులో నిమిత్తం లేకుండా గుండెపోటులతో మరణించే వారి సంఖ్య పెరిగిపోతోంది. చిన్నా, పెద్దా అనే తేడా లేకుండా హార్ట్ స్ట్రోకులు వస్తున్నాయి. నిలువెత్తు మనిషి కూడా ఒక్కసారిగా కుప్పకూలిపోతున్నాడు. దీంతో ఆయా కుటుంబాల్లో విషాదాలు నెలకొంటున్నాయి. తాజాగా ఇలాంటి ఘటనే జగిత్యాలలో చోటుచేసుకుంది.
జగిత్యాల పట్టణంలోని రాంబజార్‌కు చెందిన బూస రాజవెంకట గంగరాం అలియాస్ శ్రీను(56) ఎప్పటిలాగే ఇవాళ ఉదయం కూడా షటిల్ ఆడేందుకు వెళ్లాడు. అయితే షటిల్ ఆడుతుండగా ఛాతిలో నొప్పిగా ఉందటంటూ కిందపడిపోయాడు. వెంటనే అప్రమత్తమమైన సహచరులు సీపీఆర్‌ చేసినప్పటికీ ఫలితం లేకుండా పోయింది. వస్త్ర దుకాణం వ్యాపారి అయిన గంగారామ్‌ గతంలోనూ గుండెనొప్పితో స్టెంట్‌ వేసుకున్నట్లు కుటుంబ సభ్యులు తెలిపారు.