బిగ్ బాస్ ఫేమ్ శేఖర్ బాషాపై నార్సింగి పోలీస్‌ స్టేషన్‌లో మరో కేసు నమోదైంది. శేఖర్ బాషా పై మహిళా కొరియోగ్రాఫర్ షష్టి వర్మ ఫిర్యాదు చేశారు. కొరియోగ్రాఫర్ జానీ మాస్టర్‌పై గతంలో ఫిర్యాదు చేసిన షష్టి వర్మ.. తాజాగా శేఖర్ బాషాపై కంప్లైంట్‌ ఇచ్చాఆరు. జానీ మాస్టర్ కేసులో విచారణ జరుగుతుండగా కాల్ రికార్డు లీక్ చేశాడని షష్టి వర్మ ఫిర్యాదులో పేర్కొన్నారు
తన పరువుకు భంగం వాటిల్లేలా కొన్ని యూట్యూబ్ ఛానెల్స్‌తో శేఖర్ భాషా మాట్లాడుతున్నాడని షష్టి వర్మ ఫిర్యాదు చేశారు. ఉద్దేశ పూర్వకంగా, దురుద్దేశంతో ప్రయివేటు కాల్ రికార్ట్‌లు లీక్ చేశాడని ఎఫ్‌ఐఆర్‌లో ఆమె పేర్కొన్నారు. శేఖర్ బాషా వ్యక్తిగత మొబైల్‌తో పాటు, అతనితో ఉన్న ఇతర ఎలక్ట్రానిక్ డివైజ్‌లను సీజ్ చేయాలని బాధితురాలు కోరారు. షష్టి ఫిర్యాదు మేరకు BNSయాక్ట్ సెక్షన్ 79,67, ఐటీ యాక్ట్ 72 కింద శేఖర్ బాషాపై కేసు నమోదు చేశారు నార్సింగి పోలీసులు.