తొమ్మిది బిల్లులకు ఏపీ అసెంబ్లీ ఆమోదం

       ఏపీ అసెంబ్లీ బడ్జెట్ సమావేశాలు నిరవధికంగా వాయిదా పడ్డాయి. ఈ సమావేశాల్లో అసెంబ్లీ 9 బిల్లులకు ఆమో దం తెలిపింది. 5న ప్రారంభమైన అసెంబ్లీ సమావేశాలు మూడు రోజులపాటు జరిగాయి. 10 గంటల 2 నిమిషాల పాటు సమావేశాలు జరిగాయి. ఈనెల 5 న గవర్నర్‌ ప్రసంగంతో మొదలైన అసెంబ్లీ సమావేశాలు.. రెండో రోజు గవర్నర్‌ ప్రసం గానికి ధన్యవాదాలు తెలిపింది. మూడోరోజు ఆర్థిక శాఖ మంత్రి బుగ్గన రాజేంద్రనాథ్‌రెడ్డి బడ్జెట్‌ను ప్రవేశపెట్టారు. మరో వైపు.. అసెంబ్లీ సమావేశాల చివరి రోజున టీడీపీ ఎమ్మెల్యేలు, ఎమ్మెల్సీలు సమావేశాలకు హాజరుకాలేదు. అంతకు ముందు అసెంబ్లీలో ఆర్థిక శాఖ మంత్రి బుగ్గర రాజేందర్ మాట్లాడుతూ.. అన్ని వర్గాలను చంద్రబాబు మోసం చేశారని.. తాము మేనిఫెస్టోలో చెప్పిన ప్రతీ హామీని నెరవేర్చామన్నారు. హామీలు నెరవేర్చని చంద్రబాబును వామపక్షాలు ఎందుకు ప్రశ్నించలేదని అన్నారు. నిరుద్యోగ భృతిపై చేతులెత్తేసిన చంద్రబాబును ఎందుకు ప్రశ్నించలేదు? అని మంత్రి మండిపడ్డారు. తాము చేసిన అప్పులతో సంక్షేమ పథకాలు అందించాం.. గత ప్రభుత్వం చేసిన అప్పులు ఎక్కడికి పోయాయని మండిపడ్డారు. గత ప్రభుత్వం చేసిన అప్పులతో ప్రజలకు ఏ మంచిపనైనా జరిగిందా? అని ప్రశ్నించారు. అప్పులపై టీడీపీ గోబెల్స్‌ ప్రచారం చేస్తోంది.. గత ప్రభుత్వం చేసిన అప్పులతో పోలిస్తే తాము చేసింది తక్కువేనని బుగ్గన రాజేంద్రనాథ్ తెలిపారు.