త్వరలో గుంటూరు, కృష్ణా జిల్లాలో ఎమ్మెల్సీ ఎన్నికలు జరగనున్నాయి. ఈ సమయంలో ఓ ఆసక్తికర ఘటన జరిగింది. గుంటూరు పట్టభద్రుల ఎమ్మెల్సీ ఎన్నికల ఓటరు జాబితాలో ఓ స్టార్‌ హీరో ఓటు నమోదవడం ప్రస్తుతం చర్చనీయాంశమైంది. ఆ నటుడు మరెవరో కాదు… మహేష్ బాబు.
పేరు కాలమ్‌లో ఘట్టమనేని మహేశ్‌ బాబు, రిలేషన్‌ నేమ్‌ కాలమ్‌లో కృష్ణా ఘట్టమనేని పేరు ఉంది. గుంటూరు పట్టణంలో పుట్టిన తేది- 1975 ఆగస్టు 9వ తేదీగా వివరాలు పొందుపరిచారు. డోర్‌ నెంబర్ 31-22-1639, విద్యార్హత బీకాంగా వివరాలు ఉన్నాయి. బూత్ నెంబరు 214 , వరుస సంఖ్య 1179 తో మహేశ్‌ బాబు ఫోటో సైతం అప్‌లోడ్‌ చేసినట్టు ఈ లిస్ట్‌లో ఉంది. ఇలా మహేశ్‌ బాబు పేరుతో వివరాలు ఉండటం ఇప్పుడు గుంటూరులో హాట్ టాపిక్ గా మారింది. ఎన్నికల నామినేషన్ ప్రక్రియ సమయంలో ఇలాంటివి తలెత్తడం ఆసక్తిగా మారింది