28.7 C
Hyderabad
Friday, March 29, 2024
spot_img

సుధీర్ బాబు హీరోగా నటించిన ‘హంట్’ ట్రైలర్‌ని విడుదల చేసిన ప్రభాస్

నైట్రో స్టార్ సుధీర్ బాబు హీరోగా నటించిన తాజా సినిమా ‘హంట్’. భవ్య క్రియేషన్స్ పతాకంపై ప్రముఖ నిర్మాత వి. ఆనంద ప్రసాద్ ఈ మూవీని నిర్మించారు. ఈ సినిమాకు మహేష్‌ దర్శకత్వం వహించారు. రిపబ్లిక్ డే కానుకగా జనవరి 26న థియేటర్లలో విడుదల కానుంది. ఈ రోజు ఉదయం 10.01 గంటలకు పాన్ ఇండియా డార్లింగ్, రెబల్ స్టార్ ప్రభాస్ హంట్‌ సినిమా ట్రైలర్‌ను విడుదల చేశారు. చిత్ర బృందానికి ఆల్ ది బెస్ట్ చెప్పడంతో పాటు సినిమా ఘన విజయం సాధించాలని ఆకాంక్షించారు. 

‘హంట్’ సినిమాలో మెమరీ లాస్ అయిన అసిస్టెంట్ కమిషనర్ అర్జున్ పాత్రలో సుధీర్ బాబు నటించారు. మెమరీ లాస్‌కు ముందు కలిసిన వ్యక్తులు, జరిగిన ఘటనలు అర్జున్‌కు గుర్తులేవు కానీ… పోలీస్ ట్రైనింగ్, భాషలు, స్కిల్స్ గుర్తుంటాయి.

”ఏ కేసు అయితే.. అర్జున్ మొదలుపెట్టి సాల్వ్ చేయలేకపోయాడో… అదే కేసును ఇప్పుడు ఈ అర్జున్ సాల్వ్ చేయాలి” అని శ్రీకాంత్ చెప్పే డైలాగుతో ట్రైలర్ స్టార్ట్ అయ్యింది. టీజర్‌లో కూడా ఆయన ఈ మాట చెప్పారు. ఆ కేసు ఏమిటన్నది ట్రైలర్‌లో చూపించారు. పట్టపగలు ఓ అసిస్టెంట్ కమిషనర్ హత్యకు గురవుతారు. ఆ కేసు ఇన్వెస్టిగేట్ చేసే క్రమంలో హీరోకు ఎటువంటి పరిస్థితులు ఎదురయ్యాయి? ఏం చేశారు? అనేది ఆసక్తికరం. ఈ సినిమా థ్రిల్లింగ్ జర్నీగా ఉండబోతుందని ట్రైలర్ చూస్తే అర్థం అవుతోంది. 

కంప్లీట్ ఇన్వెస్టిగేషన్ రిపోర్ట్, 18 రోజుల్లో సంపాదించిన క్లూస్ శ్రీకాంత్‌కు సుధీర్‌ బాబు ఎందుకు ఇచ్చారు? రెండూ ఒకేసారి చదవమని ఎందుకు చెప్పారు? ఆ బ్లాంక్ పేజీ ఏమిటి? అనేది మరింత క్యూరియాసిటీ పెంచింది. హాలీవుడ్ స్థాయిలో యాక్షన్ స్టంట్స్ ఉన్నాయి. నేపథ్య సంగీతం, సినిమాటోగ్రఫీ బావున్నాయి.

చిత్ర నిర్మాత వి. ఆనంద ప్రసాద్ మాట్లాడుతూ “ట్రైలర్ విడుదల చేసిన ప్రభాస్ గారికి చాలా థాంక్స్. కంటెంట్ బేస్డ్ హై వోల్టేజ్ యాక్షన్ థ్రిల్లర్ చిత్రమిది. మేం ఎక్కడా కాంప్రమైజ్ కాకుండా అవుట్ అండ్ అవుట్ యాక్షన్ ఎంటర్టైనర్‌గా తెరకెక్కించాం. టీజర్, ట్రైలర్‌లో యాక్షన్ సీక్వెన్సులు చాలా బావున్నాయని ప్రేక్షకులు చెబుతున్నారు.హీరో సుధీర్ బాబు గారు, టీమ్ ఎంత కష్టపడినదీ ఆ వీడియోలో చూపించాం. దానికీ మంచి స్పందన లభిస్తోంది. కొరియోగ్రఫీ సినిమాకి హైలైట్ అవుతుంది..అని అన్నారు.

‘హంట్’లో నటీనటులు ఎవరంటే..
సుధీర్ బాబు కథానాయకుడిగా నటిస్తున్న ఈ సినిమాలో శ్రీకాంత్, భరత్ ప్రధాన పాత్రలు పోషిస్తున్నారు. మైమ్ గోపి, కబీర్ దుహన్ సింగ్, మౌనిక రెడ్డి, గోపరాజు రమణ, మంజుల ఘట్టమనేని, సంజయ్ స్వరూప్, చిత్రా శుక్ల, సుపూర్ణ మల్కర్, రవి వర్మ, ‘జెమినీ’ సురేష్, అభిజీత్ పూండ్ల, కోటేష్ మన్నవ, సత్య కృష్ణన్ తదితరులు ఇతర తారాగణం. అప్సరా రాణి ప్రత్యేక గీతం చేశారు. 

‘హంట్’ సాంకేతిక వర్గం..
ఆర్ట్ డైరెక్టర్ వివేక్ అన్నామలై, కాస్ట్యూమ్ డిజైనర్ రాగ రెడ్డి, యాక్షన్ రేనాడ్ ఫవెరో, బ్రయాన్ విజియర్ , స్టంట్స్ వింగ్ చున్ అంజి, ఎడిటర్ ప్రవీణ్ పూడి, సినిమాటోగ్రఫీ అరుల్ విన్సెంట్‌, సంగీతం జిబ్రాన్, ఎగ్జిక్యూటివ్ నిర్మాత అన్నే రవి, నిర్మాత వి. ఆనంద ప్రసాద్, దర్శకత్వం మహేష్.

Latest Articles

మత్స్యకారుల జీవితాలను ప్రతిబింబించేలా ‘సముద్రుడు’

కీర్తన ప్రొడక్షన్స్ పతాకంపై రమాకాంత్, అవంతిక, భానుశ్రీ హీరో హీరోయిన్లుగా నగేష్ నారదాసి దర్శకత్వంలో బధా వత్ కిషన్ నిర్మిస్తున్న యాక్షన్ ఎంటర్టైనర్ "సముద్రుడు". అన్ని కార్యక్రమాలు పూర్తిచేసుకుని విడుదలకు సిద్ధమైంది.. ఈ...
- Advertisement -

LEAVE A REPLY

Please enter your comment!
Please enter your name here

Stay Connected

2,000FansLike
1,000FollowersFollow
291FollowersFollow
150,000SubscribersSubscribe
- Advertisement -

Latest Articles

ఆంధ్ర ప్రదేశ్

తెలంగాణ

జాతీయం

అంతర్జాతీయం

ఎంటర్టైన్మెంట్