హైదరాబాద్‌లోని అత్తాపూర్‌ పరిధిలో ఆదివారం (మార్చి 12) రాత్రి భారీ అగ్ని ప్రమాదం జరిగింది. మీర్ ఆలం పార్క్‌ సమీపంలోని ఓ కట్టెల గోడౌన్‌లో పెద్ద ఎత్తున మంటలు ఎగిసిపడ్డాయి. దీంతో గౌడౌన్ సిబ్బంది అగ్నిమాపక సిబ్బందికి సమాచారం అందించారు. వెంటనే సమాచారం అందుకున్న అగ్నిమాపక సిబ్బంది.. ఘటనాస్థలికి చేరుకుని మంటలను అదుపు చేస్తున్నారు. పోలీసులు కూడా చేరుకొని.. సహాయక చర్యలను ప్రారంభించారు. అయితే కట్టెలు అడ్డుగా ఉండడంతో సహాయక చర్యలకు తీవ్ర ఆటంకం కలిగింది. సిబ్బంది, పోలీసులు మూడు గంటలకు పైగా శ్రమించి మంటలను అదుపు చేశారు. దీంతో ముందు జాగ్రత్తగా గోడౌన్‌కు చుట్టుపక్కల వున్న నివాస గృహాలను అధికారులు ఖాళీ చేయించారు. ఈ ఘటన జరగడానికి గల కారణాలు తెలియాల్సి ఉంది.