Site icon Swatantra Tv

కర్నూలుకు ఏపీ హైకోర్టు… క్లారిటీ ఇచ్చిన కేంద్ర ప్రభుత్వం

ఆంధ్రప్రదేశ్ హైకోర్టును కర్నూలుకు తరలించే విషయంపై కేంద్ర ప్రభుత్వం పార్లమెంట్ వేదికగా క్లారిటీ ఇచ్చింది. రాజ్యసభలో టీడీపీ ఎంపీ కనకమేడల రవీంద్ర కుమార్ అడిగిన ప్రశ్నకు కేంద్రం సమాధానం తెలిపింది. రాష్ట్ర హైకోర్టు తరలింపు పై రాష్ట్ర ప్రభుత్వం, రాష్ట్ర హైకోర్టు అభిప్రాయాలు వెల్లడించాల్సి ఉందని స్పష్టం చేసింది. రాష్ట్ర ప్రభుత్వం, రాష్ట్ర హైకోర్టు స్పష్టమైన నిర్ణయానికి వచ్చిన తర్వాతే ఎలాంటి నిర్ణయమైన కేంద్రం తీసుకుంటుందని వెల్లడించింది.

గతంలో టీడీపీ ప్రభుత్వం రాష్ట్ర హైకోర్టును అమరావతి వేదికగా ఏర్పాటు చేశారు. కానీ 2019లో వైసీపీ అధికారంలోకి రావడంతో మూడు రాజధానుల అంశాన్ని ప్రతిపాదించారు సీఎం జగన్. ఈ క్రమంలో విశాఖను పరిపాలన, కర్నూలు న్యాయ రాజధానిగా ఏర్పాటు చేయాలని నిర్ణయించారు. హైకోర్టును కర్నూలుకు తరలించాలని సీఎం జగన్ ప్రతిపాదించారు. ఈ క్రమంలో మూడు రాజధానులపై సీఎం జగన్ ప్రతిపాదనకు వ్యతిరేకంగా ఏపీ హైకోర్టు తీర్పు ఇచ్చిందని కేంద్ర న్యాయశాఖ మంత్రి వివరించారు.

Exit mobile version